یەکێتیی ئەورووپا داوایەک لە ئیسرائیل دەکات: کوشتنی خەڵك لە غەززە لە نۆرەی وەرگرتنی هاوکارییەکان ڕابگرە

ئاڤا نیوز

 

یەکێتیی ئەورووپا لەبارەی دۆخی مرۆیی غەززەوە بێدەنگی دەشکێنێت و دەڵێت، "داوامان لە سوپای ئیسرائیل کردووە هیچی دیکە خەڵکی غەززە لە نۆرەی وەرگرتنی هاوکارییە مرۆییەکاندا نەکاتە ئامانج". ئەمە لە کاتێکدایە کە ئیسرائیل ڕێگری لە چوونەژوورەوەی هاوکارییە مرۆییەکان بۆ غەززە دەکات.

وێنە گەورەکە: لە ئێستادا غەززە بە دۆخێکی مرۆیی هەستیار و سەختدا تێدەپەڕێت، چونکە ئیسرائیل ڕێگە بە گەیشتنی هاوکارییە مرۆییەکان بۆ ناو غەززە نادات، بەمەش دانیشتووانەکەی بەدەست نەبوونی خۆراکەوە دەناڵێنن.

لێدوانی فەرمی: کاجا کالاس، بەرپرسی سیاسەتی دەرەوەی یەکێتیی ئەورووپا، ڕایگەیاند: "داوامان لە سوپای ئیسرائیل کردووە چیتر خەڵکی سڤیل لە نۆرەی وەرگرتنی هاوکاریی مرۆیی و خۆراکدا نەکاتە ئامانج و نەیانکوژێت، و پێویستە هەرچی زووە ئەو کردەیە ڕابگیرێت."

باکگراوند: لە حەوتی ئۆکتۆبەری ساڵی 2023ـەوە شەڕی نێوان حەماس و ئیسرائیل دەستیپێکردووە و لەو کاتەوە تا ئێستا، لە غەززە نزیکەی 59 هەزار کەس گیانیان لەدەست داوە.