دوو تۆمەتبار کە خۆیان وەک ڕاوێژکاری سوودانی ناساندبوو، دەستگیر کران

ئاڤا نیوز

 

تیمێکی دەزگای ئاسایشی نیشتمانیی عێراق لە ڕۆژئاوای نەینەوا، لە بۆسەیەکدا لە بەغدای پایتەخت، دوو تۆمەتباریان دەستگیر کرد کە خۆیان وەک ڕاوێژکاری محەممەد شیاع سوودانی، سەرۆکوەزیرانی عێراق ناساندبوو.

ڕاگەیەندراوی فەرمی: بەڕێوەبەرایەتیی پەیوەندییەکان و ڕاگەیاندنی دەزگای ئاسایشی نیشتمانیی عێراق ڕایگەیاند: بە پشتبەستن بە زانیاریی هەواڵگری و دوای چاودێری و بەدواداچوونێکی ورد، تیمێکی ئاسایشی نیشتمانی، دوو تۆمەتباریان لە بەغدای پایتەخت دەستگیر کرد کە بەڵگەنامەی ساختەیان پێبوو و ناوی سەرۆکوەزیران و وەزارەتی بەرگریی عێراقی لەسەر بوو.

زانیاریی زیاتر: ئەو دوو تۆمەتبارە بەڵێنی دامەزراندنی 1200 کەسیان لە کوردانی ئێزدی لە ڕیزەکانی حەشدی شەعبیدا دابوو و لە بەرامبەردا داوای 500 هەزار دیناریان لە هەر کەسێک کردبوو کە ویستوویەتی ناوی لە فۆڕمێکی ناونووسینی ساختەدا تۆمار بکات.