عێراق بە تاوانی بانگەشەکردن بۆ ئیسرائیل سزای زیندانی هەتاهەتایی بەسەر کەسێکدا دەسەپێنێت

ئاڤا نیوز

دەسەڵاتی دادوەریی عێراق، دەرکردنی سزای زیندانی هەتاهەتایی بەسەر کەسێکدا ڕاگەیاند، بە تاوانی "بانگەشەکردن بۆ قەوارەی زایۆنی" لە بەغدادی پایتەختی عێراق.

ئەوەی پێویستە بیزانیت: بەگوێرەی یاسای بەتاواندانانی ئاساییکردنەوەی پەیوەندی لەگەڵ "قەوارەی زایۆنی"، ژمارە 1ی ساڵی 2022، هەرکەسێک حوکمەکانی ئەم یاسایە پێشێل بکات، بەو سزایانە سزا دەدرێت کە لە یاسایەکەدا هاتووە."

ڕاگەیێنراوی فەرمی: بەگوێرەی ڕاگەیێنراوی ئەنجوومەنی باڵای دادوەری"دادگای تاوانەکانی کەرخ سزای زیندانی هەتاهەتایی بەسەر کەسێکدا سەپاند، بەهۆی تاوانی بانگەشەکردن بۆ قەوارەی زایۆنی لە تۆڕە کۆمەڵایەتییەکاندا."

دەسەڵاتی دادوەری ڕایگەیاندووە، "کەسەکە بانگەشەی بۆ بیر و ڕەفتارەکانی قەوارەی زایۆنی کردووە لەڕێگەی پۆستکردن لە پەیجی فەیسبووک و پشتیوانیی لە ئاساییکردنەوەی پەیوەندییەکان کردووە لەڕێگەی بڵاوکردنەوەی وێنە و گرتەی ڤیدیۆییەوە"، ئاماژەی بەوەش کردووە کە "لە ماڵەکەیدا دەست بەسەر کتێب و ڕۆژنامەدا گیراوە بە زمانی عیبری."

ئەمەش بزانە: بەگوێرەی دەسەڵاتی دادوەری "سزاکە بەپێی حوکمەکانی ماددەی 7ی یاسای بەتاواندانانی ئاساییکردنەوەی پەیوەندی لەگەڵ قەوارەی زایۆنی ژمارە 1ی ساڵی 2022" دەرکراوە.