چین ڕۆبۆت دەکاتە پۆلیسی هاتووچۆ

ئاڤا نیوز

چین لە هەوڵەکانی بەردەوامە بۆ ئەوەی ڕۆبۆتەکان ببنە یارمەتیدەری مرۆڤ و کارەکانیان بۆ ئاسان بکەن، بەڵام ئەم هەنگاوانە کاریگەری نەرێنیشی هەیە و دەبێتە هۆی کەمبوونەوەی هەلی کار.

چیرۆکی سەرەکی: حکومەتی چین لە شاری شەنگەهای،  جۆرە ڕۆبۆتێکی دروست کردووە زۆر گورج و گۆڵە و ڕاهێنانی پێ دەکات بۆ ئەوەی ببێتە پۆلیسی هاتووچۆ.

زانیاریی زیاتر: ڕۆبۆتی پۆلیسی هاتووچۆ هاوشێوەی مرۆڤ جل و بەرگی تایبەتی لەبەرکراوە و تەنانەت کڵاوی فەرمی پۆلیسی هاتووچۆی چینیشی پێدراوە و لە یەکتربڕێکی شاری شەنگەهای تاقیکردنەوەی پێدەکرێت.

ڕاگەیێنراوی فەرمی: پۆلیسی شەنگەهای چین لە بارەی ڕۆبۆتۆکەوە دەڵێن، ئێستا ڕۆبۆتەکە لە قۆناغی فێربوون و پەرەپێداندایە و تائێستا بە فەرمی بەکارناهێنرێت، لەم قۆناغەدا ڕۆبۆتەکە فێری چەندین ئاماژەی بنەڕەتیی کۆنتڕۆڵکردنی هاتووچۆی شەقامەکە بووە وەک ڕاست ڕۆشتن و سوڕانەوە بە چەپ و وەستان.