بەهۆی نەبوونی متمانە وەزیری بەرگریی ئەمریکا پلە بەرزکردنەوەی ژەنەڕاڵێکی ڕاگرتووە

ئاڤا نیوز

وەزیری بەرگریی ئەمریکا بەهۆی ئەوەی متمانەی بە ژەنەڕاڵی سووپای وڵاتەکەی نییە، پلە بەرزکردنەوەکەی راگرتووە.

زانیاریی بەدەستهاتوو: ڕۆژنامەی نیویۆرک تایمز لەڕێگەی سێ سەرچاوەی ئاگادار ئاشکرای کردووە، وەزیری بەرگریی ئەمریکا بڕیاریداوە پلەی ژەنەڕاڵێکی باڵای سوپای ئەمریکا بە ناوی دۆگلاس سیمس بەرز نەکاتەوە، کە پێنج جار سەرکردایەتی هێزەکانی ئەمریکای لە ئەفغانستان و عێراق کردووە. هۆکارەکەشی ئەوە بووە کە وەزیری بەرگری ئەمریکا بەبێ بوونی هیچ بەڵگەیەک گومانی ئەوەی لێکردووە کە ناوبراو زانیاریی هەستیاری دابێتە دەزگاکانی ڕاگەیاندن.

بەگوتەی بەرپرسانی ئەمریکا، کاتێک سەلمێنرا ئەو ژەنەڕاڵە باڵایەی ئەمریکا بێتاوانە، وەزیری بەرگریی ئەمریکا بۆ ماوەیەکی کورت ڕەزامەندی نیشاندا لەسەر پلەبەرزکردنەوەی، بەڵام لە سەرەتای ئەم مانگەدا دیسانەوە پاشگەز بووەوە. ئەمجارەیان، هێگسێت پێی وابوو کە ئەو ژەنەڕاڵە باڵایە زۆر نزیکە لە مارک مێلی، سوپاسالاری پێشووی ئەمریکا، کە سەرۆک ترەمپ بە ناپاک تۆمەتباری کردووە.

ئەوەی ئێستا ڕوودەدات: دۆگلاس سیمس دوای 34 ساڵ لە خزمەتی سەربازی بڕیاریداوە لە چەند مانگی داهاتوو داوا بکات خانەنشین بکرێت.