لەڕێگەی ئاسمانەوە هاوکاری دەگەیێنرێتە غەززە

ئاڤا نیوز

سوپای ئیسرائیل ڕایگەیاند، ئەمشەو دەست دەکاتەوە بە گەیاندنی هاوکاری مرۆیی لە ڕێگەی ئاسمانییەوە بۆ کەرتی غەززە، ئەمەش وەک بەشێک لە هەوڵەکان بۆ گەیاندنی یارمەتی بە دانیشتووانی ناوچەکە.

چیرۆکی سەرەکی: گەیاندنی هاوکاری مرۆیی بۆ غەززە بە هاوبەشی لەگەڵ ڕێکخراوە نێودەوڵەتییەکان و سوپای ئیسرائیل دەکرێت، کە لەلایەن یەکەی هەماهەنگی کاروباری حکومەت لە ناوچەکانی ئیسرائیل و هێزی ئاسمانییەوە سەرپەرشتی دەکرێت.

بڕیارە لەم هەنگاوەدا هاوکارییەکان کە پێکهاتوون لە ئارد، شەکر و خواردنی لە قوتونراو، کە لەلایەن ڕێکخراوە نێودەوڵەتییەکانەوە دابینکراوە، لە ئاسمانەوە بگەیێنرێتە خەڵکی غەززە.

بڵاوکراوەی فەرمی: سوپای ئیسرائیل لە بڵاوکراوەیەک دەڵێت، بەشێوەیەكی كاتی ئۆپەراسیۆنە سەربازییەكانیان لە ناوچە قەرەباڵغەكانی غەززە رادەگرن بۆ ئەوەی هاوكارییەكان بە دانیشتووانەكەی بگات. هاوکات، چەند رێڕەوێكی مرۆیی لەناو غەززە دیاری دەكرێت بۆ رێگەدان بە گەیشتنی كاروانی هاوكارییەكانی نەتەوەیەكگرتووەكان و رێكخراوە نێودەوڵەتییەكانی تر.

ژمارەکان وادەڵێن: تەنها لەماوەی هەفتەی رابردوودا زیاتر لە 250 بارهەڵگر خۆراك بەسەر دانیشتووانی غەززە دابەشكراوەو پێشتریش 600 بارهەڵگری دیكە گەیشتووەتە غەززە.

لەلایەکی دیکەوە: سوپای ئیسرائیل كارەبای گەیاندووەتە وێستگەی ئاوی خواردنەوە لە غەززە بۆ ئەوەی رۆژانە 20 هەزار مەتر سێجا ئاوی پاك بۆ دانیشتووانەكەی دابین بكرێت.

زانیاریی زیاتر: گەیاندنی هاوکارییەکان لەکاتێکدایە کە هەریەک لە وڵاتانی ئیمارات، ئوردن، میسر، فەرەنسا و ئەمریکا وەک هاوبەشی سەرەکی لەم هەوڵە مرۆییەدا بەشدارن.

دیمەنی گەیشتنی هاوکارییەکان بە خەڵکی غەززە