سوپای ئیسرائیل وەستانێکی تاکتیکی لە بەشێک لە غەززە ڕادەگەیێنێت

ئاڤا نیوز

سوپای ئیسرائیل ڕۆژی یەکشەممە "وەستانێکی تاکتیکی" لە ئۆپەراسیۆنە سەربازییەکان لە هەندێک ناوچەی کەرتی  غەززە ڕاگەیاند.

وێنە گەورەکە: بەهۆی ئەو گەمارۆ سەختەی لەلایەن سوپای ئیسرائیلەوە بۆ سەر کەرتی غەززە دەستیپێکردووە، دۆخی مرۆیی ئەو کەرتە بە تەواوی تێکچووە و چەندین کەس بەهۆی برسییەتی تووندەوە گیانیان لەدەستداوە، ئێستا بەهۆی فشارە نێودەوڵەتییەکانەوە ئیسرائیل ناچاربووە ڕێگە بە تێپەڕبوونی هەندێک هاوکاری مرۆیی بدات و ئۆپەراسیۆنە سەربازییەکانی لە بەشێکی ناوچەکە ڕابگرێت.

بڵاوکراوەی فەرمی: ئەفیخای ئەدرعی، وتەبێژی سوپای ئیسرائیل، لە بەیاننامەیەکدا بڵاویکردۆتەوە، لە ئەمڕۆ یەکشەممەوە، ڕاگرتنی تاکتیکی لە ئۆپەراسیۆنە سەربازییەکانمان لە کەرتی غەززە ڕادەگەیێنین بۆ تێپەڕبوونی هاوکارییە مرۆییەکان، ئەو ناوچانە دەگرێتەوە لە سوپا کاریان تێدا ناکات کە برتین لە مواسی و دێر بلح و شاری ‌غەززە.

زانیاریی زیاتر: ئەدرعی ئاماژەی بەوەشکرد، سوپای ئیسرائیل ڕێڕەوی پارێزراوی دیاریکردووە  بۆ تێپەڕبوونی هاوکارییە مرۆییەکان بۆ ناو کەرتی غەززە بە شێوەیەکی سەلامەت.