سەرۆک بارزانی و پارێزگاری ورمێ پەیوەندی بازرگانی و گەشتیاری تاوتوێ دەکەن

ئاڤا نیوز

سەرۆک بارزانی پێوازی لە شاندێکی ئێرانی کرد، جەخت لەسەر پەیوەندیی و دۆستایەتی مێژووی نێوان هەردوولا کرایەوە.

چیرۆکی سەرەکی: ڕۆژی 2025-07-28، سەرۆک بارزانی لە سەڵاحەددین پێشوازی لە ڕەزا ڕەحمانی، پارێزگاری ئازەربایجانی ڕۆژئاوا (ورمێ) و شاندێکی کۆماری ئیسلامی ئێران کرد.

ڕاگەیێنراوی فەرمی: بارەگای بارزانی ڕایگەیاند: پارێزگاری ئازربایجانی ڕۆژئاوا سڵاوی مەسعود پزیشکیان ،سەرۆککۆماری ئێرانی بە سەرۆک بارزانی گەیاند.

پارێزگاری ئازربایجانی ڕۆژئاوا، بۆ ئەو ئاسانکارییە زۆرەی لە دەروازەی سنووری حاجی ئۆمەران بۆ زیارەتکارە ئێرانییەکان دەکرێت، سوپاسی حکومەتی هەرێمی کوردستانی کرد.

لەلایەکی دیکەوە: لەمیانی دیدارەکەدا پەیوەندی و دۆستایەتی مێژوویی نێوان هەرێمی کوردستان و کۆماری ئیسلامی ئێران و پەرەپێدانی پەیوەندیی ئابووری و جووڵە بازرگانییەکان جەختی لەسەر کرایەوە.