نەخشەی کەرتی دابەشکردنی زەوییەکانی زاخۆ پەسەند دەکرێت

ئاڤا نیوز

شارەوانی زاخۆ چەند نەخشەیەکی کەرتی ئامادەکردووە، ڕەوانەی ئیدارەی سەربەخۆی زاخۆ کراوە دوای ڕەزامەندی جیادەکرێنەوە و بەسەر فەرمانبەراندا دابەش دەکرێن.

چیرۆکی سەرەکی: لەماوەی چەند ڕۆژی ڕابردوو کۆبوونەوەیەک لە شارەوانی زاخۆ بە ئامادەبوونی نوێنەری فەرمانگەکانی کشتوکاڵ، وەبەرهێنان، تاپۆ، ئاو، کارەبا و چەند فەرمانگەیەکی دیکە کرا، نەخشەی کەرتی لە سێ ناوچەی سەلکا، ئافەرمان و خەرابدار پەسەند کرا.

لێدوانی فەرمی: ئیدریس عەبدوڵڵا، جێگری سەرۆکی شارەوانی زاخۆ بە ئاڤای ڕاگەیاند، "نەخشەکە ڕەوانەی ئیدارەی سەربەخۆی زاخۆ کراوە، بۆ ئەوەی ڕەزامەندی لەسەر بدرێت، نزیکەی 15 هەزار پارچە زەوی لەخۆدەگرێت، دوای لێکتێگەیشتن لەگەڵ خاوەنداریی زەوییەکان دەست بە دابەشکردنیان بەسەر سوودمەندبووان دەکرێت."

ئەمەش بزانە: قۆناغی یەکەمی دابەشکردنی زەوی لە هەرێمی کوردستان لە زاخۆوە دەستیپێکرد و نزیکەی پێنج هەزار کەس لێی سوودمەند بوون.