نێردەی ترەمپ: حەماس ئامادەیە بۆ چەکدانان

ئاڤا نیوز

 

ستیڤ ویتکۆف، نێردەی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست ئاشکرای دەکات، بزووتنەوەی حەماس ئامادە و کراوەیە بۆ ئەوەی چەک دابنێت.

 

ئەوەی پێویستە بیزانیت: ڕۆژی هەینی نێردەی ئەمریکا سەردانی شوێنی دابەشکردنی خۆراکی لە کەرتی غەززە کرد و هەڵسەنگاندنی بۆ دۆخی کەرتەکە کرد.

 

لێدوانی فەرمی: ستیڤ ویتکۆف، نێردەی ئەمریکا لە ڕۆژهەڵاتی ناوەڕاست ڕایگەیاند،'' حەماس کراوەیە بەڕووی چەکداماڵین و دانانی چەکەکانی". گوتیشی بنیامین نەتانیاهۆ، سەرۆکوەزیرانی ئیسرائیل پابەندە بە کۆتاییهێنان بە شەڕەکە."

 

زانیاریی زیاتر: هەرچەندە دانوستانەکانی نێوان ئیسرائیل و حەماس هیچ ئەنجامێکیان نەبووە، بەڵام وتیکۆف دەڵێت، ئامانجمان ئەوەیە یەک ڕێککەوتن بکرێت و بارمتە دەستبەسەرکراوەکان ئازاد بکرێن و کۆتایی بە شەڕەکە بهێنن، نەک ئەنجامدانی ڕێککەوتنی بەش بەش.

 

ویتکۆف ئاماژەی بەوە دا کە هەوڵێکی هاوبەش لەلایەن ئیسرائیل و ئەمریکا هەیە بۆ ئاسانکاری بۆ چوونەژوورەوەی یارمەتییە مرۆییەکان، لەوانەش خۆراک و دەرمان بۆ غەززە.