ئەمساڵ تۆمارکردنی ناوی منداڵ لە فۆڕمی خۆراک دەستپێدەکاتەوە

ئاڤا نیوز

وا بڕیارە ئەمساڵ لە مانگی 9 تۆمارکردنی ناوی منداڵ لە فۆڕمی خۆراک دەستپێبکاتەوە، ئەمەش دوای دوو ساڵ لە وەستانی.

وێنە گەورەکە: بەشە خۆراکی مانگانە بەپێی ژمارەی ئەندامانی خێزان دیاری دەکرێت. هەر ئەندامێک زیاد بێت بەشە خۆراکی مانگانەی بۆ دادەنرێت و ناوی لە سیستمەکە زیاد دەکرێت.

لێدوانی فەرمی: سیامەند قادر، بەڕێوەبەری ڕێکخستنی پسوولەی خۆراک بە ئاڤا میدیای وت، بڕیارە ئەو منداڵانەی ماوەی دوو ساڵە ناویان تۆمار نەکراوە مانگی 9ـی ئەمساڵ لە فۆڕمی خۆراک زیاد بکرێن. ئەو کاتەی ڕاگەیێنرا هاونیشتمانیان دەتوانن ڕاستەوخۆ لەو ئەپڵیکەیشنەی فۆڕمی خۆراک ناویان تۆمار کردووە. بەڕێگایەکی ئاسان ناوی منداڵەکەیان زیاد بکەن.

زانیاریی زیاتر: سیامەند قادر ئەوەش دەڵێت: لە ڕۆژی 2023-05-03 وەزارەتی بازرگانی حکومەتی عێراق بە نووسراوی ژمارە (17936) هەموو مامەڵەیەکی فۆڕمی خۆراکی ڕاگرت، هاوکات زیادکردنی ناوی منداڵانی تازە لە دایکبووشی وەستاند.

هۆکارە زانراوەکان: هۆکاری وەستانی تۆمارکردنی ناوی منداڵ لە پسوولەی خۆراک بۆ بە ئەلیکترۆنیکردنی فۆڕمی خۆراک دەگەڕێتەوە. ئێستا خەریکە ئەو پرۆسەیە کۆتایی دێت و ئەو پرۆسەیە دەستپێدەکاتەوە.