توێژینەوەیەک: 400 هەزار ساڵە مرۆڤ ئاگر دەکاتەوە

ئاڤا نیوز 

 

توێژینەوەیەکی نوێی مۆزەخانەی بەریتانیا، گۆڕانکاری بەسەر تێگەیشتنی زانایاندا دەهێنێت لەبارەی مێژووی مرۆڤایەتییەوە و دەری دەخات، مرۆڤ 350 هەزار ساڵ بەر لەو کاتە فێری کردنەوەی ئاگر بووە کە دەزانرا.

 

چیرۆکی سەرەکی: تیمێکی شوێنەوارناسی لە خۆرهەڵاتی بەریتانیا، پاشماوەی قوڕی سووتاو و جۆرە کانزایەکیان دۆزیووەتەوە و کە لە بەردەستێ [بەردێکی ڕەقی شینە ئاسنی لێ بدرێت بریسکەی لێ دەبێتەوە] دەدرێت، پریشک دروست دەکات. ئەمەش دەری دەخات مرۆڤ تەنها چاوەڕێی ئاگری سروشتی نەکردووە، بەڵکوو بە "ئاگایی" و بە مەبەست خۆی ئاگری کردووەتەوە.

 

لێدوانی فەرمی: نیک ئاشتۆن، سەرپەرشتیاری توێژینەوەکە دەڵێت: "ئەمە سەرنجڕاکێشترین دۆزینەوەیە لە ماوەی 40 ساڵ تەمەنی پیشەیی مندا". 

 

ژمارەکان وا دەڵێن: پشکنینەکان دەریانخستووە پلەی گەرمیی ئەو ئاگرە گەیشتووەتە 700 پلەی سیلیزی و لە هەمان شوێندا چەندین جار ئاگر کراوەتەوە. مێژووی ئەم شوێنەوارەش بۆ 400 هەزار ساڵ لەمەوبەر دەگەڕێتەوە.

 

ئەوەی پێویستە بیزانیت: پێشتر کۆنترین بەڵگە بۆ "کۆنتڕۆڵکردنی ئاگر" لە ئەوروپا دەگەڕایەوە بۆ 50 هەزار ساڵ لەمەوبەر (لە فەڕەنسا). 

 

لەلایەکی دیکەوە: زانایان پێیان وایە، نیاندەرتاڵەکان، هەڵکردنی ئاگریان بۆ خۆپاراستن، کوڵاندنی چێشت و بەهێزکردنی پەیوەندییە کۆمەڵایەتییەکان بەکارهێناوە.