"بۆ زیادکردنی بەردانەوەی ئاو".. پارێزگاری بەسڕە سەردانی تورکیا دەکات

ئاڤا نیوز

پارێزگای بەسڕە لە باشووری عێراق بێئاوی تینی بۆ هێناوە و بەمەبەستی بۆ زیادکردنی بەردانەوەی ئاویش، پارێزگاری شارەکە سەردانی تورکیای کرد و لەگەڵ بەرپرسانی ئەو وڵاتە کۆبووەوە.

وێنە گەورەکە: لە سەرەتای مانگی تەممووزی ئەمساڵەوە قەیرانێکی کەموێنەی بێ ئاوی ناوچە جیاوازەکانی پارێزگای بەسڕە و باشووری عێراق بەگشتی گرتووەتەوە، بۆ چارەسەری کێشەکە و کەمکردنەوەی کاریگەرییەکانی بێ ئاویش، چەندین خۆپیشاندان و ناڕەزایی فراوان بەڕێوەچوون.

ڕاگەیێنراوی فەرمی: ڕاگەیاندنی پارێزگای بەسڕە بڵاویکردەوە، ئەسعەد عیدانی، پارێزگاری بەسڕە بەسەردانێکی فەرمی گەیشتووەتە تورکیا و لەگەڵ هاکان فیدان، وەزیری دەرەوەی ئەو وڵاتە کۆبووەتەوە.

بەگوێرەی ڕاگەیاندنی پارێزگای بەسڕە، ئامانجی سەردانەکەی ئەسعەد عیدانی بەمەبەستی زیادکردنی بەردانەوەی ئاوە لەلایەن تورکیا بۆ عێراق.