ئاگادارییەک لە وەزارەتی بەرگریی عێراقەوە بۆ کەسوکاری دیلەکانی جەنگی دووەمی کەنداو

ئاڤا نیوز

وەزارەتی بەرگریی عێراق بانگەوازێک ئاراستەی کەسوکاری ئەو دیلە کۆچکردووانەی جەنگی دووەمی کەنداو 1991 دەکات، کە تا ئێستا هیچ مووچەیەکی خانەنشینییان لە دەوڵەت وەرنەگرتووە، بۆ ئەوەی داواکاری پێشکەش بکەن و مافە یاساییەکانیان هاوشێوەی هاوتاکانیان بەدەست بهێنن.

 

ڕاگەیێنراوی فەرمی: بەگوێرەی ڕاگەیێنراوی وەزارەتی بەرگریی عێراق، پێویستە کەسوکاری ئەو دیلانە فۆڕمی تایبەت بە داواکارییەکە پڕبکەنەوە و لە ڕێگەی ئیمەیڵی فەرمیی بەڕێوەبەرایەتیی مافی مرۆڤ - فەرمانگەی یاسایی لە وەزارەتی بەرگری. 

 

لەهەمان کاتدا: وەزارەتەکە جەختی کردەوە کە ئەم هەنگاوە بە تایبەتی ئەو خێزانانە دەگرێتەوە کە دیلەکانیان کۆچی دواییان کردووە و تا ئێستا هیچ جۆرە مووچەیەکیان لە حکومەتی عێراق وەرنەگرتووە، ئاماژەی بەوەشکرد کە سەرجەم داواکارییەکان بەپێی ڕێکارە یاساییەکان تاوتوێ دەکرێن.

 

لەلایەکی دیکەوە: بۆ کارئاسانی و وەڵامدانەوەی پرسیاری هاووڵاتییان، بەڕێوەبەرایەتییەکە هێڵی گەرمی بە ژمارە (07901945476) تەرخانکردووە بۆ پێدانی ڕێنمایی و زانیاریی پێویست بە داواکاران.

 

لە کۆتاییدا، وەزارەتی بەرگری داوای لە سەرجەم کەسە پەیوەندیدارەکان کرد پەلە بکەن لە پێشکەشکردنی داواکارییەکانیان و دڵنیاببنەوە لەوەی هەموو زانیاری و بەڵگەنامە پێویستەکان هاوپێچ دەکەن، بۆ ئەوەی کارەکانیان بە خێرایی بەڕێوەبچن.