ئەمریکا هانی وڵاتان دەدات سزاکانی سەر سووریا هەڵبگرن

ئاڤا نیوز

بەگوێرەی چەند سەرچاوەیەک، ئەمریکا لە هەوڵدایە لە ئەنجوومەنی ئاسایشی نەتەوە یەکگرتووەکان کار بۆ لابردنی سزاکانی سەر ئەحمەد شەرع، سەرۆککۆماری سووریا و دەستەی تەحریری شام بکات.

چیرۆکی سەرەکی: ئەمریکا ڕەشنووسی بڕیارنامەیەکی ئامادە کردووە و داویەتی بە بەریتانیا و فەرەنسا کە تێیدا داوا دەکات ناوی هەریەکە لە ئەحەمەد شەرع، سەرۆککۆمار و ئەنەس خەتاب، وەزیری ناوخۆی سووریا، لە ناو لیستی سزا نێودەوڵەتییەکانی تایبەت بە ڕووبەڕووبوونەوەی لەگەڵ تیرۆر لە دژی قاعیدە و داعش لا ببرێت.

زانیاریی زیاتر: چاوەڕێ دەکرێت شەرع مانگی 9 سەردانی ئەمریکا بکات و لە کۆبوونەوەی ساڵانەی نەتەوە یەکگرتووەکان بەشدار بێت، بەڵام بۆ ئەنجامدانی ئەم سەردانە پێویستیی بە مۆڵەتی تایبەتی نەتەوە یەکگرتووەکان هەیە.

ئەمەش بزانە: پێشبینی دەکرێت چین ئەم پڕۆژە بڕیارە ڤیتۆ بکات.