گۆڕانکاری لە پۆستی نوێنەری هەرێمی کوردستان لە ژووری ئۆپەراسیۆنە هاوبەشەکانی عێراق دەکرێت

ئاڤا نیوز

لە پۆستی نوێنەری هەرێمی کوردستان لە ژووری ئۆپەرسیۆنە هاوبەشەکانی عێراق دەکرێت، بەڕێوەبەری پێشووی پۆلیسی دارستان و ژینگەی هەرێمی کوردستان وەک نوێنەری هەرێمی کوردستان لە ژووری ئۆپەراسیۆنە هاوبەشەکانی عێراق دەستبەکار دەبێت.

چیرۆکی سەرەکی: بەهۆی خانەنشین بوونی لیوا عەبدولخالق تەڵعەت، نوێنەری هەرێمی کوردستان لە ژووری ئۆپەراسیۆنە هاوبەشەکانی عێراق گۆڕانکاری لەو پۆستە دەکرێت و عەمید عەبدولستار زێباری دەچێتە شوێنەکەی.

زانیاریی بەدەستهاتوو: عەمید عەبدولستار زێباری، بەڕێوەبەری پێشووی پۆلیسی دارستان و ژینگەی هەرێمی کوردستان وەک نوێنەری هەرێمی کوردستان لە ژووری ئۆپەراسیۆنە هاوبەشەکانی عێراق لە شوێنی لیوا عەبدولخالق تەڵعەت دەستنیشانکرا، هاوکات عەمید فەرمان فازیل دزەیی وەک بەڕێوەبەری پۆلیسی دارستان و ژینگەی هەرێمی کوردستان بەوەکالەت دەست نیشانکرا.

زانیاریی زیاتر: ژووری ئۆپەراسیۆنە هاوبەشەکانی عێراق ساڵێ 2007 دامەزراوە، پێکهاتووە لە نوێنەری وەزارەتەکانی ناوخۆ و بەرگری و دەزگای ئاسایشی نیشتمانی و دەزگای دژەتیرۆر و دەزگای هەواڵگری عێراق و حەشدی شەعبی و لەگەڵ نوێنەری هەرێمی کوردستان، کە ئەرکی بریتییە لە بەڕێوەبردن و هەماهەنگی ئۆپەراسیۆنە سەربازییەکان لە عێراق.