کەتائیبی حیزبوڵڵا داوای سڕکردنی بڕیارەکانی سوودانی دەکات

ئاڤا نیوز

میلیشیای کەتائیبی حیزبوڵڵای عێراق، ئەمڕۆ پێنجشەممە لە بەیاننامەیەکدا داوای لە "هاوپەیمانیی چوارچێوەی هەماهەنگی کرد، بڕیارەکانی سەرۆکوەزیران سڕبکەن". هاوکات داوای پێکهێنانی لیژنەیەکی لێکۆڵینەوە دەکات.

وێنە گەورەکە: بەهۆی ئەو پێکدادانە چەکدارییەی کە هەفتەی ڕابردوو لە نێوان کەتیبەکانی حیزبوڵڵا و سوپای عێراق بەهۆی فەرمانگەی کشتوکاڵی کەرخ ڕوویدا، ناکۆکییەکانی نێوان محەممەد شیاع سوودانی، سەرۆکوەزیرانی عێراق و کەتیبەکانی حیزبوڵڵا قوڵتر بووەتەوە".

ڕاگەیێنراوی فەرمی: میلیشیاکە لە بەیاننامەیەکدا ڕایگەیاند: ئەبو حوسێن حەمیداوی، ئەمینداری گشتیی کەتائیبی حیزبوڵڵا، داوای لە سەرکردەکانی چوارچێوە کردووە، بڕیارەکانی سوودانی سڕبکەن، چونکە هاوسەنگیی لەدەستداوە و دژی بەرژەوەندییە تایبەتمەندەکان کار دەکات.

لە بەیاننامەکەدا هاتووە، حەمیداوی داوای لە ئامادەبووان کردووە لیژنەیەکی تایبەتمەند لە چوارچێوەی هەماهەنگی پێکبهێنرێت بۆ لێکۆڵینەوە لە ڕووداوەکانی فەرمانگەی کشتوکاڵ و ئاشکراکردنی ڕاستییەکان، لەگەڵ پێویستیی سوودوەرگرتن لە کامێراکانی چاودێری و شایەتی ئەو ئەفسەرانەی کە ئەرکی پاراستنی فەرمانگەکەیان لە ئەستۆ بووە.