ئیسرائیل شاری غەززە "کۆنترۆڵ" دەکات

ئاڤا نیوز

لەسەر پێشنیازی سەرۆکوەزیران، سوپای ئیسرائیل شاری غەززە، لە کەرتی غەززە، کۆنترۆڵ دەکات.

ڕاگەیێنراوی فەرمی: نووسینگەی سەرۆکوەزیرانی ئیسرائیل لە بەیاننامەیەکدا ڕایگەیاند: کابینەی جەنگی پلانێکی پەسەندکردووە بۆ ئەوەی سوپا شاری غەززە "کۆنتڕۆڵ" بکات.

زانیاریی زیاتر: پلانەکە بۆ "شکستپێهێنانی" حەماسە لە کەرتی غەززە و دەیەوێت لەو ڕێگەیەوە کۆتایی بە هەژموونی ئەو گرووپە جیهادییە بهێنێت کە ماوەی چەندین ساڵە لەگەڵ ئیسرائیل لە ململانێ دایە. 

ئەمەش بزانە: نزیکەی دوو ساڵ بەسەر شەڕی غەززەدا تێدەپەڕێت و ئیسرائیل زیاتر لە 61 هەزار کەسی لەو کەرتە کوشتووە.

ڕەهەندی ستراتیژی: ئیسرائیل هێشتا نەیتوانیوە هیچ یەک لە ئامانجەکانی بەدی بهێنێت کە گێڕانەوەی بارمتەکان و لەناوبردنی حەماس بوو، ئێستا دەیەوێت درێژە بە شەڕەکە بدات.