کاردانەوەی وڵاتان لەبەرامبەر بڕیاری ئیسرائیل بۆ داگیرکردنی شاری غەززە

ئاڤا نیوز

وڵاتان و ڕێکخراوە نێوەدەوڵەتییەکان کاردانەوەیان بەرامبەر بە بڕیاری حکومەتی ئیسرائیل بۆ داگیرکردنی شاری غەززە نیشان دا. وڵاتان نیگەرانیی خۆیان دەربڕیوە و داوا دەکەن بڕیارەکە جێبەجێ نەکرێت. ئەوان هۆشداریی دەدەن لەوەی ئەمە دۆخەکە خراپتر دەکات و خوێنی زیاتر دەڕێژرێت.

ڕاگەیێنراوی فەرمی: نووسینگەی سەرۆکوەزیرانی ئیسرائیل لە بەیاننامەیەکدا ڕایگەیاند: کابینەی جەنگی پلانێکی پەسەندکردووە بۆ ئەوەی سوپا شاری غەززە "کۆنتڕۆڵ" بکات. ئەمەش کاردانەوەی نێودەوڵەتی بەدوای خۆیدا هێناوە.

کاردانەوەکان: نەتەوە یەکگرتووەکان: پێویستە پلانەکە دەستبەجێ هەڵپەسێردرێت و بە تەواوی ڕێگە بە گەیاندنی یارمەتیی مرۆیی بۆ کەرتەکە بدرێت.

بەریتانیا: ئەمە بڕیارێکی هەڵەیە و نابێتە هۆی کۆتاییهاتنی شەڕەکە و ئازادبوونی بارمتەکانی لێناکەوێتەوە، بەڵکو تەنیا خوێنڕشتنی زیاتر بە دوای خۆیدا دێنێت.

چین: غەززە هی فەلەستینییەکانە و بەشێکی دانەبڕاوە لە خالی فەلەستین. ڕێگە درووستەکەیە گەیاندنی یارمەتیی مرۆیی بۆ غەززە و بەردانی بارمتەکان و ئاگربەستێکی دەستبەجێیە. 

تورکیا: داوا لە کۆمەڵگای نێودەوڵەتی دەکەین گوشار بکەن بۆ وەستاندنی جێبەجێکردنی پلانەکەی ئیسرائیل.

ئیسپانیا: بە تووندی سەرکۆنەی بڕیاری حکومەتی ئیسرائیل بۆ داگیرکردنی غەززە دەکەین. ئەوە تەنیا وێرانی و ئازاری زیاتری لێدەکەوێتەوە. ئاگربەستێکی هەمیشەیی، گەیاندنی یارمەتی و بەردانی بارمتەکان پیویستییەکی بەپەلەیە.