بەڕێوەبەری گشتیی پەروەردەی کەرکووک لەکار لادرا

ئاڤا نیوز

بە بڕیاری سەرۆکوەزیرانی عێراق، لە چوارچێوەی پرۆسەی هەڵسەنگاندن بۆ بەڕێوەبەرە گشتییەکان، بەڕیوەبەری گشتیی پەروەردەی کەرکووک لەکار لادرا.

چیرۆکی سەرەکی: دوای ئەوەی سەرۆکوەزیرانی عێراق ئامارەکانی هەڵسەنگاندنەکانی بەرپرسانی خستەڕوو، تێیدا هەزار و 135 پرۆسەی هەڵسەنگاندن بۆ بەڕێوەبەرە گشتییەکان ئەنجامدراوە، بەهۆیەوە 41 بەڕێوەبەری گشتی لەسەرکار لادراون، کۆتایی بە ڕاسپاردنی 89ـی دیکەش هێنرا کە بە وەکالەت کاریان دەکرد.

زانیاریی پەیامنێر: دیار محەممەد، پەیامنێری ئاڤا لە کەرکووک گوتی: لە چوارچێوەی کارەکانی ئەو لیژنەیەی 41 بەڕێوەبەری گشتی لەکار لاداوە، مەنسوڕ مەزری سەلووم، بەڕێوەبەری گشتیی پەروەردەی کەرکووک لەکار لادرا.

زانیاریی زیاتر: بەڕێوەبەری گشتیی پەروەردەی کەرکووک لە پێکهاتەی عەرەبە و ماوەی دوو ساڵە دەستبەکاربووە.

لەلایەکی دیکەوە: بە بڕیاری سەرۆکوەزیرانی عێراق، چوار وەزیری حکومەتەکەی بەتۆمەتی بوونی گومان لە ئەدا و کارەکانیان، ڕەوانەی دادگا کراون.