کۆنگرێسمانێکی ئەمریکا: ترەمپ چیتر پارە بۆ عێراق نانێرێت

ئاڤا نیوز

جۆو ویڵسن، کۆنگرێسمانی ئەمەریکی ڕایگەیاند، دۆناڵد ترەمپ چیتر پارە بۆ عێراق و تونس نانێرێت، ''ئەگەر پێیان وابێت بەردەوام دەبێت لە پارە ناردن بۆیان ئەوا هەڵەن''.

زانیاری بەدەستهاتوو: ڕۆژی یەکشەممە، 10-8-2025، جۆو وێڵسن، لە تۆڕی کۆمەڵایەتی ئێکس ڕایگەیاند: ئەگەر عێراق و تونس پێیان وابێت دۆناڵد  ترەمپ، سەرۆکی ئەمریکا  بەردەوام دەبێت لە پارە پێدانیان لەکاتێکدا کە ڕقیان لێمانە ئەوا یان شێتن یان پێیان وایە ترەمپ گەمژەیە.

ئەوەی پێویستە بیزانیت: لە هەفتەی ڕابردوودا ماڵپەڕی ئەلمۆنیتەری ئەمریكی بڵاویکردەوە،  لە ڕەشنووسی بودجەی خەرجییە سەربازییەکانی ئەمەریکا بۆ ساڵی 2026 گۆڕانکارییەکی بەرچاوی لە شێوەی پشتیوانییەکانی بۆ هێزە ئەمنیەكانی عێراق تێدایە، لەوانە ڕاگرتنی بودجە بۆ مووچەی هێزەکانی پێشمەرگە و کەمکردنەوەی هاوکارییەکانی تەرخانکراو بۆ وەزارەتی بەرگری عێراق، لەبەرامبەردا زیادکردنی بەرچاوی پاڵپشتی بۆ خزمەتگوزاریی بەرەنگاربوونەوەی تیرۆر. 

زانیاریی زیاتر: پشتیوانی دارایی ئەمەریکا بۆ وەزارەتی بەرگری عێراق لە 189.1 ملیۆن دۆلار بۆ 48.2 ملیۆن دۆلار کەم دەکرێتەوە, لە بەرامبەردا بودجەی دژە تیرۆری عێراق بەشێوەیەکی بەرچاو زیاد دەکات.