نەتانیاهۆ پێنج مەرج بۆ ئاگربەستی غەززە دادەنێت

ئاڤا نیوز

بنیامین ناتانیاهۆ، سەرۆکوەزیرانی ئیسرائیل، ڕایگەیاند، لەگەڵ حکومەتەکەیدا ڕێککەوتوون بۆ کۆتاییهێنان بە شەڕی غەززە بە چەند مەرجێک کە گرنگترینیان چەکداماڵینی تەواوەتیی بزووتنەوەی حەماسە.

بەیاننامەی فەرمی: نەتانیاهۆ لە بەیاننامەیەکدا دەڵێت: ئامانجی پلانەکە بریتییە لە سەپاندنی کۆنترۆڵی ئەمنیی ئیسرائیل بەسەر کەرتی غەززە و دەوروبەری بۆ ڕێگریکردن لە هەر هەڕەشەیەکی داهاتوو و ئامانجەکە گەڕانەوەی هەموو بارمتە ئیسرائیلییە زیندوو و مردووەکانە.

زانیاریی زیاتر: پێنج مەرجەکەی نەتانیاهۆ بریتین لە چەکداماڵینی حەماس، گەڕاندنەوەی هەموو بارمتەکان، داماڵینی سەربازیی کەرتی غەززە، کۆنترۆڵکردنی ئەمنیی خاکەکە و دامەزراندنی ئیدارەیەکی مەدەنی کە هیچ پەیوەندییەکی بە حەماس و دەسەڵاتی فەلەستینەوە نەبێت.