سوودانی و فەرماندەی سێنتکۆم گواستنەوەی زیندانییانی داعشیان بۆ عێراق تاوتوێ کرد

ئاڤا نیوز

سەرۆکوەزیرانی عێراق و فەرماندەی فەرماندەیی ناوەندیی هێزەکانی ئەمریکا (سێنتکۆم) لە بەغدا کۆبوونەوە و دۆخی سووریا و پرسی زیندانییەکانی داعشیان تاوتوێ کرد.

چیرۆکی سەرەکی: ئەمڕۆ هەینی لە بەغدا، محەممەد شیاع سوودانی، سەرۆکوەزیرانی عێراق پێشوازیی لە براد کۆپەر، فەرماندەی سێنتکۆم و شاندی یاوەری کرد.

ڕاگەیێنراوی فەرمی: نووسینگەی سوودانی ڕایگەیاند: هەردوولا بارودۆخی ئەمنی سووریا بەتایبەتی لە ناوچەکانی دەوروبەری زیندانەکانی تیرۆریستانی داعشیان تێدایە، کە بەردەوام لەژێر هەڕەشەی بەردەوامدان و مەترسیی ئازادبوونیان هەیە ئەمەش مەترسییەکی گەورە بۆ سەر ئاسایشی عێراق و ناوچەکە دروست دەکات.

سوودانی لە کۆبوونەوەکەدا دووپاتی کردەوە، سەرکردایەتی عێراقی خوێندنەوەیەکی پێشوەختەی هەیە دەربارەی ئەگەری پەرەسەندنی دۆخی ناوچەکە،  ئەمەش وایکرد حکومەت پلانی خۆپارێزیی پێشوەختە دابنێت بۆ پاراستنی سنوورەکان بە بەهێزکردنی بەشێوەیەک کە بۆ یەکەمجار جێبەجێ دەکرێت و بە گەڕانەوەی زۆرترین خێزانە عێراقییەکان لە هەندێک لە کەمپەکداندا لەپاڵ هەوڵە سیاسی و ئەمنییە بەردەوامەکان لەگەڵ لایەنە پەیوەندیدارەکانی ناوچەکە.

لەلایەکی دیکەوە: براد کۆپەر ڕۆڵی عێراقی لە هاوپەیمانی نێودەوڵەتی بەرز نرخاند هاوکات سوپاسی خۆی بەناوی هەموو هاوپەیمانیی نێودەوڵەتی و کۆمەڵگەی نێودەوڵەتی دەربڕی لەبەرامبەر پێشوازیکردن لە دەستگیرکراوەکانی داعش لە سووریا، ناوبراو جەختیشیکردەوە "ئامادەن بۆ پێشکەشکردنی پاڵپشتی لۆجیستی و تەکنیکی بۆ عێراق و بەردەوامیی هاوکارییەکانی نێوان بەغدا و هاوپەیمانی لە ئاستە بەرزەکاندا."