وەقفی سوننی: ڕێگریمان لە پێشنوێژە کوردەکان نەکردووە بۆ کۆکردنەوەی کۆمەک بۆ کوردی ڕۆژئاوا

ئاڤا نیوز

دیوانی وەقفی سوننی عێراق بە تووندی ئەو هەواڵانە ڕەتدەکاتەوە، باس لەوە دەکەن هۆشداریان دابێت بە پێشنوێژ و وتارخوێنە کوردەکانی پارێزگاکانی کەرکووک و سەڵاحەددین سەبارەت بە کۆکردنەوەی هاوکاری بۆ کوردی ڕۆژئاوا.

چیرۆکی سەرەکی: لە چەند ڕۆژی ڕابردوودا لە تۆڕە کۆمەڵایەتییەکان دەنگۆی ئەوە بڵاوبووەوە، دیوانی وەقفی سوننی ڕێگری لە پێشنوێژە کوردەکانی کەرکووک و سەڵاحەددین کردووە هاوکاری بۆ کوردی ڕۆژئاوای کوردستان کۆبکەنەوە.

ڕاگەیێنراوی فەرمی: دیوانی وەقفی سووننی لە ڕاگەیێنراوێکدا ڕایگەیاند، ئەو هەواڵانەی لە هەندێک میدیا و تۆڕە کۆمەڵایەتییەکان بڵاوکراونەتەوە سەبارەت بە قەدەغەکردنی کۆکردنەوەی بەخشین یان گەیاندنی هاوکاری بۆ کوردی ڕۆژئاوا لەلایەن پێشنوێژە کوردەکانەوە، دوورن لە ڕاستی و هەڵبەستراون.