کۆبانێ لەژێر گەمارۆیەکی توونددایە و هۆشداری لە کارەساتێکی مرۆیی دەدرێت

ئاڤا نیوز

بۆ پێنجەم ڕۆژ لەسەریەک، شاری کۆبانێ و گوندەکانی دەوروبەری، لەژێر گەمارۆیەکی تووندی چەکدارانی سوپای عەرەبی سووریان و چالاکوانانی بواری مافەکانی مرۆڤ هۆشداری لە ڕوودانی کارەساتێکی مرۆیی دەدەن.

زانیاریی بەدەستهاتوو: بەپێی ڕاپۆرتێکی ڕوانگەی سووری بۆ مافەکانی مرۆڤ،  گەمارۆکە بووەتە هۆی کەمی دەرمان و شیری منداڵ، سووتەمەنی و لەکارکەوتنی نانەواخانەکان، هاوکات بەهۆی بۆردومانی چڕی گرووپە چەکدارەکانەوە، سەدان خێزان لەم سەرمایە تووندەی زستاندا ئاوارە بوون.

زانیاریی زیاتر: ڕوانگەی سووری ئاماژەی بەوە کردووە، کەرتی تەندروستی ناوچەکە بەرەو داڕمان دەچێت و ژیانی هەزاران هاووڵاتی سڤیل لە مەترسیدایە.

داواکاری فەرمی: ڕوانگەکە داوا لەکۆمەڵگەی نێودەوڵەتی دەکات بەپەلە ڕێڕەوە مرۆییەکان بۆ گەیاندنی خۆراک و دەرمان بکەنەوە و هێرشە سەربازییەکان و بۆردوومانی ناوچە نیشتەجێبووەکان ڕابگرن و گوشار بخەنە سەر حکوومەتی دیمەشق بۆ هەڵگرتنی گەمارۆکە و دابینکردنی پەناگە بۆ ئاوارەکان.

مەترسییە پێشبینیکراوەکان: ئەم دۆخە لە کاتێکدایە کە ناوچەکە لەنێو شەپۆلێکی سەرمای توونددایە و پلەکانی گەرما بۆ ژێر سفر دابەزیون، ئەمەش مەترسی گیانلەدەستدانی منداڵان و کەسانی بەتەمەن زیاتر دەکات.