ئاسایشی کەرکووک وردەکاریی تەقینەوەکەی نزیک مەزارگەیەکی ئایینی ئاشکرا دەکات

ئاڤا نیوز

لە نزیک مەزارگەی ئیمام زەینەلعابدین لە قەزای داقووقی باشووری کەرکووک، تەقینەوەیەک ڕوویدا و سەرچاوەیەکی ئەمنيش وردەکاریی تەقینەوەکە ئاشکرا دەکات. 

ڕاگەیێنراوی فەرمی: سەرچاوەیەکی ئەمنی لەپارێزگای کەرکووک ڕایگەیاند: لە نزیک مەزارگەی ئیمام زەینەلعابدین لە قەزای داقووقی باشووری کەرکووک، لەنێو خانوویەک کە تازە دروست دەکرێت نارنجۆکێک تەقیوەتەوە و هیچ زیانێکی گیانییشی لێنەکەوتووەتەوە.

زانیاریی زیاتر: سەرچاوەکە ئەو دەنگۆیانەی لەلایەن هەندێکەوە بڵاوکراونەتەوە سەبارەت بە کەوتنەخوارەوەی درۆنێک لە نزیک مەزارگەکە ڕەتکردەوە و جەختی کردەوە کە ئەو دەنگۆیانە هیچ بنەمایەکیان لە ڕاستییەوە نییە.