خەمیس خەنجەر داوای جێبەجێکردنی ڕێککەوتنەکان دەکات

ئاڤا نیوز

سەرۆکی هاوپەیمانیی سیادەی عێراقی، لە پەیامێکدا بەبۆنەی 79ـەمین ساڵیادی دامەزراندنی پارتی دیموکراتی کوردستانەوە، پیرۆزبایی ئاراستەی سەرۆک بارزانی و سەرکردایەتیی پارتی کرد. 

ڕاگەیێنراوی فەرمی: شێخ خەمیس خەنجەر، سەرۆکی هاوپەیمانیی سیادە لە پەیامەکەیدا وێڕای ستایشکردنی ڕۆڵی مێژوویی پارتی، داوای پابەندبوونی لایەنە سیاسییەکان بە ڕێککەوتنە واژۆکراوەکان و چارەسەرکردنی کێشەکان لە ڕێگەی گفتوگۆوە کرد.

لە پەیامەکەدا کە نووسینگەی ڕاگەیاندنی شێخ خەنجەر بڵاویکردووەتەوە، هاتووە: "پارتی لەوەتەی دامەزراوە یەکێک بووە لە پێکهاتە هەرە دیارەکانی گۆڕەپانی سیاسیی کوردستان و عێراق و بەشداریی لە چەسپاندنی پێکەوەژیان و بەهێزکردنی هاوبەشی کردووە."

لەلایەکی دیکەوە: هاوپەیمانیی سیادە لەم بۆنەیەدا داوای بەردەوامیی کاری هاوبەشی نێوان سەرجەم هێزە سیاسییەکان دەکات بۆ بەدەستهێنانی سەقامگیریی سیاسی، ئەمنی و ئابووری. هەروەها جەختی لەسەر پێویستیی چارەسەرکردنی ناکۆکییەکان لە ڕێگەی گفتوگۆی جددی و پابەندبوونی هەموو لایەنەکان بە جێبەجێکردنی ئەو بەڵێن و ڕێککەوتنانە کردەوە کە واژۆیان لەسەر کردووون.

پەیامەکە ئاماژەی بەوەشکردووە کە ئەم هەنگاوانە "دابینکردنی دادپەروەری و یەکسانی لەنێوان پێکهاتەکانی گەلی عێراق و نەهێشتنی ئەو ستەم و پێشێلکارییانە مسۆگەر دەکات کە ڕووبەڕووی ڕۆڵەکانی گەل دەبێتەوە."