کۆبوونەوەی ئەنجوومەنی وەزیرانی عێراق دەستیپێکرد

ئاڤا نیوز

ئەنجوومەنی وەزیرانی عێراق کۆبوونەوەی خۆی ئەنجام دەدات، چاوەکان لەسەر ئەوەن لە کۆبوونەوەکەدا پرسی مووچەی فەرمانبەرانی هەرێمی کوردستان تاوتوێ بکرێت. 

چیرۆکی سەرەکی: ڕۆژی سێشەممە بە سەرپەرشتی محەممەد شیاع سوودانی، سەرۆکوەزیرانی عێراق، کۆبوونەوەی ئاسایی ئەنجوومەنی وەزیران بەڕێوەچوو، چاوەکان لەسەر ئەوەن کە لە کۆبوونەوەکەدا لیژنە پێکهێنراوەکان ڕاپۆرتی دارایی و نەوت پێشکەش بکەن، تاوەکو لەدوای ئەوە بڕیار لە ناردنی مووچەی فەرمانبەرانی هەرێمی کوردستان بدرێت. 

ڕاگەیێنراوی فەرمی: نووسینگەی ڕاگەیاندنی ئەنجوومەنی وەزیرانی عێراق ڕایگەیاند، ئەنجوومەنی وەزیران دانیشتنی ئاسایی خۆی ئەنجام دەدات. 

ئەوەی پێویستە بیزانیت: پرسی مووچەی فەرمانبەران لە بەرنامەی کاری ئەنجوومەنەکە نییە، بەڵام چاوەڕوان دەکرێت بڕگەی تایبەت بە مووچە و ڕێککەوتنی نێوان هەولێر و بەغدا زیاد بکرێت و باس بکرێت.