جلەکانی زێلێنسکی لەکۆشکی سپی جارێکی دیکە دەنگی دایەوە

ئاڤا نیوز

سەرۆکی ئۆکراینا ئەمجارە جیاوازتر لە جاران ڕووبەڕووی ستایشی جلوبەرگ بوویەوە و سەرۆکی ئەمریکاش ئەمجارە جلەکانی زێلێنسکی بەدڵ بووە.

 

چیڕۆکی سەرەکی: ڤۆلۆدێمیر زێلێنسکی، سەرۆکی ئۆکراینا یەکێکە لەو سەرکردانەی کە ڕووبەڕووی چەندین ڕەخنەی جیاواز سەبارەت بە جلەکانی دەبێتەوە، مانگی شوباتی ئەمساڵ لە کۆشکی کاتێک لەگەڵ ترەمپ و جەی دی ڤانسی، جێگری کۆبووەوە ڕۆژنامەنووسێک ڕەخنەی لە جلەکانی گرت و پێی ووت کە تۆ لەگەڵ سەرۆک ترەمپ دانیشتووی پێویستە جلێکی گونجاوتر لەبەر بکەی.

 

ئەوەی لەبارەیەوە دەگوترێت: دوێنێ هەمان ئەو ڕۆژنامەنووس کە پێشتر ڕەخنەی لە جلەکانی زێلێنسکی گرت قسەی کرد و بەزێلێنسکی گووت،  ئەمجارە جلەکانت گۆڕیوە، زێلێنسکیش وتی ڕاستە ئەم جارە جلەکانم جیاوازە بەڵام تۆ هەمان ئەو جلەی پێشووت لەبەرکردووە.

 

زانیاریی زیاتر: ترەمپیش لەگەڵ ڕۆژنامەنووسەکە بە زێلێنسکی ووت ئەمڕۆ جلەکانت جوانن. 

 

باکگراوند: دواین دیداری نێوان ترەمپ و زێلێنسکی لەمانگی شوباتی ئەمساڵ بوو لە کۆشكی سپی کە تیایدا کۆبوونەوەی نێوانیان بە مشتومڕێکی تووند کۆتایی هات و دوای ئەوەش زێلێنسکی ڕاستەوخۆ کۆشکی سپی بەجێهێشت، دوێنیش ترەمپ لە کۆشکی سپی لەگەڵ زێلینسکی و بەشێک لە سەرکردەکانی ئەوروپا لەبارەی لەبارەی چارەنووسی جەنگی ئۆکراینا کۆبوونەوە.