وەزیری بەرگریی ئیسرائیل پلانی داگیرکردنی غەززە پەسەند دەکات

ئاڤا نیوز

ئیسرائیل کاتز، وەزیری بەرگریی ئیسرائیل، پلانی داگیرکردنی شاری غەززەی پەسەند کرد کە ئەیال زەمیر، سەرۆک ئەرکانی سوپا، پێشکەشی کردبوو.

وێنە گەورەکە: شەڕی نێوان حەماس و ئیسرائیل نزیک دەبێتەوە لە سێ ساڵ و بەهۆیەوە هەزاران کەس کوژراون و نزیکەی دوو ملیۆنی دیکەش ئاوارەبوون. ئیسرائیل ئامادەکاری دەکات بۆ داگیرکردنی تەواوەتی غەززە و گواستنەوەی دانیشتووانی کەرتەکە بەرەو باشوور.

زانیاریی بەدەستهاتوو: بەپێی هەواڵێکی ڕۆژنامەی زە تایمز ئۆفی ئیسرائیل، کاتز دوای ئەوەی شەوی ڕابردوو لەگەڵ سەرۆک ئەرکانی سوپا و فەرماندەکانی سوپادا سەبارەت بە داگیرکردنی شاری غەززە کۆبووەتەوە، ئەم بەیانییە پلانی سوپای بۆ داگیرکردنی شاری غەززەى پەسەند کردووە.

وەک بەشێک لە پلانی داگیرکردنی شارەکە، کاتز، ئامادەکارییەکانی بۆ ڕاگواستنی نزیکەی یەک ملیۆن هاووڵاتی فەلەستینی بۆ باشووری ناوچەکە پەسەند کردووە.

ئاماژە بەوەش کرا کە ناوی هێرشەکانی داگیرکردنی شاری غەززە ناونراوە "گالیسکەکانی شەڕی گیدئۆن''.