تەرمی ئەو منداڵەی لە زێی گەورە لە بلێ خنكا، دۆزرایەوە

ئاڤا نیوز

دوای بڵاوبوونەوەی هەواڵی ڕووداوێکی خنكان لە ئاوی زێی گەورە لە دەڤەری بلێ و بارزان، تیمەكانی بەرگریی شارستانیی مێرگەسۆر بە هاوكاریی بەرگریی شارستانیی سۆران، توانییان تەرمی خنكاوەكە لەزووترین كاتدا بدۆزنەوە.

چیرۆكی سەرەكی: ئێوارەی ئەمڕۆ 21ـ8-2025، ڕووداوێکی خنكانی منداڵێكی تەمەن 10 ساڵان بە ناوی دەرفەت ڕووبار لە ئاوی زێی گەورە بڵاوبووەو، كە بە مەبەستی گەشت و مەلەوانی، لەگەڵ خانەوادەكەی ڕووی لە دەڤەری بلێ و بارزان كردبوو.

لێدوانی فەرمی: ڕەوەند هاودیانی، وتەبێژی بەڕێوەبەرایەتیی بەرگریی شارستانیی سۆران بۆ ئاڤا میدیا ڕایگەیاند، "دوای ئاگاداركردنەوەمان بە ڕووداوی خنكان، تیمەكانمان بە هەماهەنگی لەگەڵ تیمی مەلەوانی مێرگەسۆر، دەستبەجێ گەیشتنە شوێنی ڕووداوەكە و توانییان لە زووترین كاتدا تەرمی خنكاوەكە بدۆزنەوە كە بەپێی زانیارییەكان، منداڵێكی تەمەن 10 ساڵانە بەناوی دەرفەت ڕووبار، لەگەڵ خانەوادەكەی بۆ مەبەستی مەلەوانی چووەتە ئەو ناوچەیە.

ئەوەی پێویستە بیزانیت: بەپێی لێدوانی وتەبێژی بەرگریی شارستانیی سۆران، ئەمە هەشتەمین ڕووداوی خنكانە كە ئەمساڵ لە سنووری ئیدارەی سەربەخۆی سۆران تۆماردەكرێت.