گەشتە ئاسمانییەکانی نێوان بەغدا و ئێران دەستیان پێکردەوە

ئاڤا نیوز

دوای ڕاگرتنی، فڕۆکەخانەی نێودەوڵەتیی بەغدا، سەرلەبەیانیی ئەمڕۆ هەینی، دەستیکردەوە بە ئەنجامدانی گەشتە ئاسمانییەکان بۆ هەردوو فڕۆکەخانەی نێودەوڵەتیی تاران و مەشهەد لە ئێران.

چیرۆکی سەرەکی: ئەم هەنگاوە دوای ئەوە هات کە دەسەڵاتدارانی ئێران بەهۆی ئەنجامدانی مانۆڕێکی سەربازی لە نزیک سنووری عێراق، بۆ ماوەیەک ئاسمانی وڵاتەکەیان بەفەرمی داخست.

ڕاگەیێنراوی فەرمی:  سەرچاوەیەکی ئاگادار، دوێنێ پێنجشەممە 21-8-2025، ئاشکرای کردبوو، کە دەسەڵاتدارانی ئێران کاتژمێر 10ـی شەوی ڕابردوو بە شێوەیەکی کتوپڕ ئاسمانی وڵاتەکەیان داخستووە و جووڵەی فڕۆکەوانییان قەدەغە کردووە.

زانیاریی زیاتر: هەر بەپێی ئەو  سەرچاوەیە، گەشتێکی هێڵی ئاسمانیی عێراقی کە بڕیاربوو لە فڕۆکەخانەی نێودەوڵەتیی بەغداوە بەرەو تاران بەڕێبکەوێت، ڕاگیرا .