هەواڵگری عێراق حەوت تیرۆریست دەستگیر دەکات دووانیان ئافرەتن

ئاڤا نیوز

بەڕێوەبەرایەتیی هەواڵگریی سەربازیی عێراق دەستگیرکردنی حەوت تیرۆرست لە پارێزگای نەینەوا ڕادەگەیێنێت، لەنێویاندا دوو ئافرەتی تێدایە.

ڕاگەیێنراوی فەرمی: ئەمڕۆ هەینی 2025-08-22، لە ڕاگەیێنراوێکدا بەڕێوەبەرایەتیی هەواڵگریی سەربازیی عێراق بڵاوی کردەوە: بە پشتبەستن بە زانیاریی وردی هەواڵگریی، بەڕێوەبەرایەتیی هەواڵگریی سەربازی بە هەماهەنگی لەگەڵ دەزگای ئاسایشی نیشتمانیی عێراق، حەوت تیرۆرستیان لە چەند ناوچەیەکی پارێزگای نەینەوا دەستگیرکرد، کە دووانیان ئافرەت بوون. 

زانیاریی زیاتر: بەڕێوەبەرایەتییەکە ئاماژەی بەوەشکرد، هەر حەوت تیرۆریستەکە بەگوێرەی بڕگەی یەک لە ماددەی چواری یاسای تیرۆر، فەرمانی دەستگیرکردنیان هەبووە و بە شێوەیەکی یاسایی ڕادەستی لایەنی پەیوەندیدار کراون.