بڕیاری یەکپۆشی لە زانکۆکانی عێراق جێبەجێ دەکرێت

ئاڤا نیوز

وەزارەتی خوێندنی باڵا و توێژینەوەی زانستیی عێراق، سیستمی جلوبەرگی یەکپۆش بەسەر خوێندکارانی زانکۆکاندا دەسەپێنێت و هەموو جۆرە ئێکسسواراتیکش قەدەغە دەکات.

چیرۆکی سەرەکی: ئەمڕۆ شەممە 23-8-2025، وەزارەتی خوێندنی باڵا و توێژینەوەی زانستیی عێراق، لەگەڵ نزیکبوونەوەی دەستپێکی ساڵی نوێی خوێندنی 2025-2026، پۆشینی جلوبەرگی فەرمی بۆ قوتابیان و خوێندکارانی کچ و کوڕ لە زانکۆکان پەسند دەکات.

شێوازی جێبه‌جێكردن: بەپێی ڕێنماییەکانی وەزارەتی خوێندنی باڵای عێراق، خوێندکارانی کوڕ نابێت جلوبەرگی تەسک و کورت لەبەربکەن، ئەو ڕەنگانەشی ڕێگەپێدراون بۆ کوڕان ئەمانەن:-

کراس:  سپی، شینی ئاسمانی، ڕەش، و ڕەساسی.

پانتۆڵ:  نیلی، ڕەش، و ڕساسی.

سەبارەت بە خوێندکارانی کچیش، ڕێگە نادرێت بەهیچ شێوەیەک ماکیاژی تۆخ بکەن، نابێت عزێی و پانتۆڵ لەبەر بکەن، تەنیا ڕێگە بە پۆشینی تەنوورە دەدرێت و ڕەنگی جلوبەرگەکانیشیان بەم شێوەیە دەبێت:

کراس: سپی، شینی ئاسمانی، ڕەش، یان ڕساسی.

تەنوورە: نیلی، ڕەش، یان ڕساسی.

زانیاریی زیاتر: هەروەها بۆ هەردوو ڕەگەز بەکارهێنانی ئێکسسوارات و پانتۆڵی جینز قەدەغەیە، و ڕێگە نادرێت هیچ نووسین یان نەخشێک لەسەر جلوبەرگەکانیان هەبێت.