ڕاکان جبووری لە کاندیدبوون بۆ هەڵبژاردنی پەرلەمانی عێراق دوورخرایەوە

ئاڤا نیوز

کۆمیسیۆنی باڵای هەڵبژاردنەکانی عێراق ڕاکان جبووری، پارێزگاری پێشووی کەرکووک و سەرۆکی هاوپەیمانیی عەرەبی لە پارێزگای کەرکووک بۆ هەڵبژاردنی پەرلەمانی عێراق دوور خستەوە.

وێنە گەورەکە: بڕیارە لە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بکرێت، لەچوارچێوەی ڕێکارەکانی پێش هەڵبژاردنیش، کۆمیسیۆن تاوەکو ئێستا ژمارەیەک کاندیدی بەهۆکاری جیا جیا لە کێبڕکێکە دوورخستوونەتەوە.

 

لێدوانی فەرمی: د.عیماد جەمیل، سەرۆکی تیمی ڕاگەیاندنی ئەنجوومەنی کۆمسیاران بە ئاڤای گوت، "ڕاکان سەعید عەلی، بەهۆی پێشێلکردنی ماددەی حەوت بڕگەی سێیەم لە یاسای کۆمیسیۆنی سەربەخۆی هەڵبژاردنەکانی عێراق لە بەشداریکردن لە هەڵبژاردنی پەرلەمانی عێراق دوور خراوەتەوە.

 

هۆکارە زانراوەکان: بەگشتی هۆکاری دوورخستنەوەی بەشێک لە کاندیدەکان لەلایەن کۆمیسیۆنەوە بریتیی بوون لە: نەبوونی شایستەیی و ناوبانگی باش، بەعسی بوون، بوونی تۆماری تاوانکاری و تۆمەتی گەندەڵیی دارایی و کارگێڕی، هاوکات پێشکەش نەکردنی سەرجەم بەڵگەنامە پێویستەکان بۆ خۆکاندیدکردن، وەک بڕوانامەی خوێندن.