وەزارەتی ئەوقاف کار بۆ بەگرێبەستکردنی مامۆستایانی ئاینیی خۆبەخش دەکات

ئاڤا نیوز

وەزارەتی ئەوقاف کار بۆ بەگرێبەستکردنی ئەو مامۆستا ئاینییانە دەکات بەشێوەی خۆبەخش خزمەت دەکەن.

وێنە گەورەکە: بەهۆی قەیرانی دارایی و دابین نەکردنی پشکی دامەزراندن بۆ هەرێمی کوردستان لەلایەن بەغداوە، ساڵانێکە نەتوانراوە خەڵک و دەرچووانی هەرێمی کوردستان دابمەزرێن.

چیرۆکی سەرەکی: ژمارەیەک مامۆستای ئاینیی لە مزگەوتەکان خزمەت دەکەن بەڵام بەهۆی نەبوونی هەلی دامەزراندن تاوەکو ئێستا دانەمەزراون و داوادەکەن بکرێت بە گرێبەست.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئاینیی هەرێمی کوردستان بە ئاڤای گوت، چاوەڕێی پێکهێنانی کابینەی نوێی حکومەت و پەرلەمان دەکەین، تاوەکو لە پلان و بەرنامەی بودجەی ساڵی داهاتوو جێگەیەک بۆ مامۆستایانی ئاینیی خۆبەخش بکرێتەوە. 

زانیاریی زیاتر: هەزار و پێنج سەد مامۆستای ئاینیی خۆبەخش لەلایەن وەزارەتی ئەوقافەوە مینحەیان پێدەدرێت.