لە ئەنبار دیارترین جادووگەری پارێزگاکە دەستگیر دەکرێت

ئاڤا نیوز

لە ئۆپەراسیۆنێکی ئەمنیی تایبەتدا، پۆلیسی پارێزگای ئەنبار دیارترین  سیحرباز و جادووگەری پارێزگاکە دەستگیر دەکات.

ڕاگەیێنراوی فەرمی:  بەگوێرەی ڕاگەیێندراوێکی پۆلیسی پارێزگای ئەنبار، بنکەی پۆلیسی قەتانە لە شاری ڕومادی سەنتەری پارێزگای ئەنبار، دوای کۆکردنەوەی زانیاریی ورد، گومانلێکراو (س.م.ز.ح) دەستگیرکردووە و لە کاتی دەستگیرکردنیدا، دەست بەسەر کۆمەڵێک کەرەستەی تایبەت بە سیحر و جادوو و نوشتەکردندا گیراوە.

 

زانیاری زیاتر:  پۆلیسی ئەنبار ڕوونیکردەوە، جادووگەرەکە بەپێی ماددەی یاسایی ڕاگیراوە و لێکۆڵینەوە لەگەڵیدا بەردەوامە بۆ دانپێدان و ئاشکراکردنی هەموو ڕاستییەکان.

ئەوەی پێویستە بیزانیت: فەرماندەیی پۆلیس ئەنبار ئاماژەی بەوەشکرد، بەردەوام دەبن لە بەرەنگاربوونەوەی هەموو ئەوانەی لە ژێر ناوی سیحر و جادووگەری هەڕەشە لە ئاسایش و سەقامگیری کۆمەڵگە دەکەن.