وەزارەتی پەروەردە سەرجەم قوتابخانە حکومییەکان ئاگادار دەکاتەوە

ئاڤا نیوز

 

وەزارەتی پەروەردە سەرجەم ناوەندەکانی خوێندنی حکومی ئاگادار دەکاتەوە بەرواری چواری مانگی داهاتوو دوا وادەیە بۆ تۆمار کردنی بەشەوانەکان و جیاکردنەوەی پۆل و هۆبەکان.

 

وێنە گەورەکەی: (ئی-پەروەردە) سیستمێکی ئەلیکترۆنییە و چەندین خزمەتگوازاریی لەخۆگرتووە وەک (ئی-وانە، وەرگێڕانی بڕوانامە، هەڵسەنگاندنی دەرەکی قوتابخانەکان، گواستنەوەی قوتابییان)، لە ساڵی 2019ەوە سەرجەم کاروبارەکانی وەزارەتی پەروەردەی هەرێمی کوردستان لە ڕێگەی ئەو خزمەتگوزارییە دیجیتاڵییانە دەکرێت.

 

ڕاگەیێنراوی فەرمی: لیژنەی سەرپەرشتیکردنی سیستمی ئی–پەروەردە سەرجەم ناوەندەکانی خوێندنی حکومی لە باخچەی منداڵان تا پەیمانگاکان ئاگادار دەکاتەوە، بەرواری 4ـی 9ـی 2025، دوا وادەیە بۆ تۆمار کردنی بەشە وانەی مامۆستایان بۆ ساڵی خوێندنی 2025-2026.

 

زانیاریی زیاتر: دەبێت خشتەی بەشەوانەکانی هەفتە و جیاکردنەوەی پۆل و هۆبە لە سیستەمی ئی - پەروەردە بە دروست تۆمار بکرێن.

 

ئەمەش بزانە: کاتژمێر 12ی شەوی 4/9/2025، سیستمی ئی-پەروەردە دادەخرێت و پاش کرانەوەشی دەسەڵاتی گۆڕانکاری کردن بە ناوەندەکانی خوێندن نادرێت.

 

ئەوەی پێویستە بیزانیت:  داتا و زانیاریی زیاتر لە دوو ملیۆن کەس لە مامۆستا و فەرمانبەر و قوتابییان لە سیستمی ئی پەروەردە تۆمار کراوە، هەر قوتابی و مامۆستا و فەرمانبەرێک بە وشەی بەکارهێنەر و تێپەڕی تایبەتی خۆی دەتوانێت سوود لەو خزمەتگوازییانە وەربگرێت.