چێشتخانەیەکی خێرخوازی لە مانگی ڕەمەزان ڕێبواران بە تێری بەڕێدەکات

ئاڤا نیوز

 

بەدرێژایی مانگی ڕەمەزان، چێشتخانەیەکی بچووک لەسەر ڕێگەی کەرکووک-سلێمانی خواردنی بێبەرامبەر پێشکەش بەو ڕێبوارانە دەکات کە لەکاتی بەربانگدا بەلای چێشتخانەکەدا تێدەپەڕن و لانیکەم خواردنی 100 کەس ئامادە دەکات.

 

ئەوەی لەم پرۆژەیەدا کاردەکات خۆبەخشە، هەموو ئێوارەیەک لە نزیک کاتی بەربانگ چەند گەنجێک دێنە سەر شەقامی سەرەکی و بە دەست ئاماژە بە ئۆتۆمبێلەکان دەکەن لابدەن و لە چێشتخانە خێرخوازییەکەیاندا بەربانگ بکەنەوە بۆ ئەوەی بەتێری بکەونەوە ڕێ.