جەنجاڵترین شارەکانی جیهان بۆ هاتووچۆی ئۆتۆمبێل دەستنیشان کران

ئاڤا نیوز

بەپێی ڕاپۆرتێکی شیکاری هەر شۆفێرێک ساڵانە لە ئیستانبووڵ 118 کاتژمێر، لە شیکاگۆ 112 کاتژمێر و لە مەکسیکۆ سیتی 108 کاتژمێر لە ترافیک دەمێننەوە.

چیرۆکی سەرەکی: ئینڕێکس کە کۆمپانیایەکی تایبەتمەندە، لە جەنجاڵی شەقامەکانی زیاتر لە 900 شاری 36 وڵاتی کۆڵیووەتەوە و 10 شاری وەک جەنجاڵترین شارەکانی جیهان دەستنیشان کردوون. بەپێی لێکۆڵینەوەکە هاوشێوەی ساڵی ڕابردوو شاری ئیستانبووڵ کە گەورەترین شاری تورکیایە و هەردوو کیشوەری ئاسیا و ئەوروپا پێکەوە دەبەستێتەوە لە پلەی یەکەمدا دێت.

ژمارەکان وا دەڵێن: جگە لەو سێ شارە، هەروەها هەر شۆفێرێک لە نیویۆرک 102، لە فیلادێلفیا 101، لە کەیپ تاون 96، لە دوبلن 95، لە لەندەن 91، لە پاریس 90 و لە لۆس ئەنجڵس 87 کاتژمێر بە چاوەڕوانی لە ترافیکدا بەسەر دەبەن.