شۆڕشێک لە نەشتەرگەری؛ چاوێکی ڕۆبۆتی داهێنراوە زۆر لە چاوی مرۆڤ بەهێزترە

ئاڤا نیوز

زانایان لە پەیمانگای تەکنەلۆژیای جۆرجیا لە ئەمەریکا، جۆرە چاوێکی ڕۆبۆتییان داهێناوە توانای بینینی لە چاوی مرۆڤ زۆر بەهێزترە و بەبێ وزەی دەرەکی کار دەکات.

چیرۆکی سەرەکی: توێژەران لە ئەمریکا هاوێنەیەکی نەرم و کشۆکیان لە ماددەی "هایدرۆجێڵ" بۆ دروست کردنی جۆرە چاوێکی ڕۆبۆتی. ئەم چاوە زیرەکە پێویستی بە هیچ سەرچاوەیەکی وزەی کارەبا نییە و تەنیا بە تیشکی ڕووناکی کار دەکات؛ دەتوانێت ڕێک وەک چاوی مرۆڤ خۆکارانە گرژ بێت و بکرێتەوە و دیمەنەکە ڕوون بکاتەوە.

ئەوەی پێویستە بیزانیت: نهێنیی کارکردنی ئەم چاوە، بۆ بوونی ماددەی "ئۆکسیدی گرافین"دەگەڕێتەوە لەناو پێکهاتەکەیدا. ئەم ماددەیە ڕووناکی دەمژێت و بەپێی ڕووناکییەکە شێوەی هاوێنەکە دەگۆڕێت، ئەمەش وا دەکات لە چاوی مرۆڤ وردتر و خێراتر بێت.

بڵاوکراوەی فەرمی: توێژینەوەکە لە گۆڤاری زانستیی (Science Robotics) بڵاو کراوەتەوە و ئەوەی خستووەتەڕوو، ئەم هاوێنە دەستکردە دەتوانێت وردترین شت ببینێت، بە جۆرێک توانیویەتی مووی قاچی مێروولەیەکیش بە ڕوونیی تەواو نیشان بدات.

زانیاریی زیاتر: توانای بینینی ئەم چاوە ڕۆبۆتییە ئەوەندە بەهێزە، دەتوانێت ئەو تەنانە ببینێت کە قەبارەکەیان تەنیا چوار مایکرۆمەترە؛ ئەمەش وا دەکات لە داهاتوودا شوێنی وردبینە (مایکرۆسکۆپ) کلاسیکییەکان بگرێتەوە.

لەلایەکی دیکەوە: بەهۆی نەرمی و کشۆکییەکەیەوە، دەتوانرێت ئەم چاوە ڕۆبۆتییە لە نەشتەرگەرییە پزیشکییە ئاڵۆزەکاندا وەک یاریدەدەرێکی بێوێنە بەکار بهێنرێت. هەروەها بۆ بەدواداگەڕان و ڕزگارکردن، کشتوکاڵ و تەنانەت لە توێژینەوەی قوڵایی دەریاکانیشدا (کە ڕەنگە بۆ مرۆڤ مەترسیدار بێت) سوودی لێ دەبینرێت.