لەڕێگەی ئاڤاوە 600 پاکێجی جلوبەرگی زستانە دەگەیەنرێتە زیانلێکەوتووانی لافاو

ئاڤا نیوز

لەڕێگەی هەڵمەتی هاوکاریی ئاڤا بۆ کۆکردنەوەی هاوکاری بۆ زیانلێکەوتووانی لافاوەکەی سنووری چەمچەماڵ، شۆڕش و تەکیە، کۆمپانیای ZIBOX بۆ ئەلیکترۆنیات 600 پاکێجی جلوبەرگی زستانە ڕەوانەی ئەو سنوورە دەکات و بەسەر خەڵکی زیانلێکەوتوو دابەشی دەکات.

وێنە گەورەکە: ئاڤامیدیا هەڵمەتێکی گەورەی کۆکردنەوەی کۆمەک و هاوکاری بۆ زیانلێکەوتووانی لافاو لە سنووری چەمچەماڵ، تەکیە و شۆرش ڕاگەیاند، لەڕێگەی خێرخوازانەوە سەدان تۆن جلوبەرگ، خۆراک، پێداویستی دیکە کۆکراونەتەوە و دەست بە دابەشکردنی کراوە، نزیکەی دوو ملیار دیناریش لە ڕێگەی سەرمایەدارانی نیشتمانییەوە کۆکراونەتەوە.

زانیاریی زیاتر: ئەمڕۆ دووشەممە، لە ڕێگەی هەڵمەتەکەی ئاڤا میدیا کۆمپانیای ZIBOX بۆ ئەلیکترۆنیات 600 پاکێجی جلوبەرگی زستانە و پێڵاو بۆ ژنان و پیاوان و منداڵان ڕەوانەی سنووری چەمچەماڵ کرد و بەسەر خەڵکی زیانلێکەوتوو دابەشی دەکات.