نێردەی ئەمریکا هێڵی سوور بۆ چالاکییەکانی ئیسرائیل لە سووریا دیاری دەکات

ئاڤا نیوز

میدیای ئیسرائیل ڕایدەگەیێنێت، تۆم باراک، نێردەی ئەمریکا بۆ سووریا، لە کۆبوونەوەی لەگەڵ بنیامین ناتانیاهۆ، سەرۆکوەزیرانی ئیسرائیل، هێڵی سوور لەبارەی چالاکییەکانی ئیسرائیل لە سووریا دیاری دەکات.

وێنە گەورەکە: ئیدارەی ئەمریکا، ئەحمەد شەرع، سەرۆککۆماری سووریا بە هاوپەیمانێک دەبینێت کە هەوڵدەدات سووریا سەقامگیر بکات و بەرەوپێشی ببات. بۆیە دەیەوێت خۆیان بەدوور بگرن لە هەر هەنگاوێک کە پێیانوایە دەسەڵاتی شەرع لاواز دەکات.

بڵاوکراوەی فەرمی: کەناڵی "i24news"ـی عیبری ڕایگەیاند، تۆم باراک، نێردەی ئەمریکا بۆ سووریا ئەمڕۆ دووشەممە دەگاتە ئیسرائیل بۆ کۆبوونەوە لەگەڵ ناتانیاهۆ و بەرپرسانی دیکە لەسەر چەندین پرسی ناوچەیی، بەڵام تیشک دەخاتە سەر سووریا.

زیانە سەرەکییەکان: بەپێی ڕاپۆرتەکە، ئیدارەی ئەمریکا نیگەرانە لەوەی زۆریی ئۆپەراسیۆنەکانی ئیسرائیل ببێتە هۆی هەرەسهێنانی ڕژێمی سووریا، جگە لە ئارەزوویان بۆ گەیشتن بە ڕێککەوتنێکی ئەمنی.

ئەوەی لەبارەیەوە دەگوترێت: دۆناڵد ترەمپ، سەرۆکی ئەمریکا، لە سەرەتای ئەم مانگەدا لە پەیجی تایبەتی خۆی لە "ترووس سۆشیاڵ" نووسیبووی، زۆر گرنگە ئیسرائیل گفتوگۆیەکی بەهێز و ڕاستەقینەی لەگەڵ سووریا هەبێت و هیچ شتێک ڕێگر نەبێت لە گەشەسەندنی سووریا بۆ وڵاتێکی پێشکەوتوو.