حەجخوازان لە حەجکردنی بازرگانی ئاگادار دەکرێنەوە

ئاڤا نیوز

به‌ڕێوه‌به‌رایه‌تی گشتیی حه‌ج و عومره‌ هاووڵاتیان ئاگادار دەکاتەوە کە ڕیكلامەکانی حه‌جکردن بەشێوه‌ی بازرگانی، هیچ بنه‌مایه‌كی نییه‌ و دووره‌ له‌ ڕاستییه‌وه‌.

چیرۆکی سەرەکی: بەمەبەستی بەجێگەیاندنی فەریزەی حەج، ئاگادار دەکرێنەوە جگە له‌و سیستەمە ئه‌لیكترۆنییەی کە به‌شێوه‌ی تیروپشك ئه‌نجامدراوه‌، هیچ حه‌جێكی دیكه‌ به‌ناوی حه‌جی بازرگانی یاخود پشكی تایبه‌ت و هەر ناوێكی دیكه‌، له‌ هەرێمی كوردستان بوونی نییه‌.

لێدوانی فەرمی: كاروان ستوونی، وته‌بێژی  حه‌ج و عومره‌ی كوردستان ڕایگه‌یاند، "ماوه‌یه‌كه‌ له‌ كوردستان و به‌تایبه‌تی له‌ سوشیال میدیادا ده‌بینرێت هه‌ندێك كه‌س هه‌ڵساون به‌ ڕیكلامكردن بۆ بردنی هاووڵاتیان بۆ حه‌ج به‌ شێوه‌ی بازرگانی، گوایه‌ له‌ وڵاتی سعوودیه‌وه‌ وه‌ریانگرتووه‌، ئه‌مه‌ش هیچ بنه‌مایه‌كی نییه‌ و دووره‌ له‌ ڕاستییه‌وه‌"، ئاماژه‌ی به‌وه‌شکرد به‌شێك له‌و ڕیكلامانه‌ به‌ ژماره‌ مۆبایلی سعوودیه‌‌ ده‌كرێت بۆئەوەی بڕوا بە هاووڵاتیان بهێنن، بۆیه‌ داوا له‌ هاووڵاتیان دەکات خۆیان له‌م بابه‌ته‌ بەدووربگرن تاوه‌كو پاره‌كانیان به‌ فیڕۆنه‌چێت، هه‌ر كه‌سێك لە فێڵكردن تیوه‌بگلێت، ڕووبه‌ڕووی لێپێچینه‌وه‌ ده‌بێتەوە.

زانیاریی زیاتر: به‌ڕێوه‌به‌رایه‌تی گشتیی حه‌ج و عومره‌ ئەم ژماره‌ مۆبایلە تایبه‌تەیان داناوە (07505953534)، هەر هاووڵاتیەک کێشە و پرسیارێكی هه‌بێت ده‌توانێت په‌یوه‌ندییان پێوە بکات.