بەفەرمی کوردێک وەک پارێزگاری حەسەکە دەستنیشان کرا

ئاڤا نیوز

ئیدارەی خۆسەری ڕۆژئاوای کوردستان پارێزگاری نوێی حەسەکەی دیاریکرد و بڕیارە سبەی یەکشەممە سوێندی یاسایی بخوات.

چیرۆکی سەرەکی: ئەمشەو، ئەندازیار نورەددین عیسا ئەحمەد ناسراو بە ئەبو عومەر خانیکا بەفەرمی بۆ پۆستی پارێزگاری حەسەکەی کوردنشین لە سووریا دیاریکرا.

لێدوانی فەرمی: برای ئەندازیار نورەددین عیسا بۆ ئاڤا میدیا هەواڵەکەی  پشتڕاستکردەوە و ڕایگەیاند: سبەی دەچێتە دیمەشق بۆ سوێندخواردنی یاسایی و وەرگرتنی پۆستەکە.

باکگراوند: نورەددین عیسا، لەساڵی 1969 لەدایک بووە، ئەندازیاری پەیوەندییەکانە، خەڵکی قامیشلۆیە و کەسایەتییەکی ناسراوی پارێزگای حەسەکەیە، کەسێکی نزیکی مەزڵووم عەبدییە، پێشتر چەندین پۆستی حکومی هەبووە، دوایین پۆستی بەڕێوەبەری گشتی پەیوەندییەکانی حەسەکە بووە.