سەرۆکوەزیران و شاندێکی فەرەنسی تاوتوێی چەند پرسێکی عێراق و ناوچەکە دەکەن

ئاڤا نیوز

سەرۆکوەزیران مەسرور بارزانی، پێشوازی لە نوێنه‌ری باڵای فه‌رەنسا له‌ هاوپه‌یمانیی نێوده‌وڵه‌تیی دژی داعش و شاندێکی یاوەری کرد، لە دیدارێکدا تاوتوێی پەیوەندییەکانی نێوان هەردوولا و چەند پرسێکی تایبەت بە بارودۆخی هەرێمی کوردستان و عێراق و ناوچەکە کرا.

چیرۆکی سەرەکی: ئه‌مڕۆ دووشەممە، سەرۆکوەزیران مەسرور بارزانى، پێشوازی له‌ ‌جەنەڕاڵ فرانسوا تريكۆ، نوێنه‌ری باڵای فه‌رەنسا له‌ هاوپه‌یمانیی نێوده‌وڵه‌تیی دژی داعش کرد.

ڕاگەیێنراوی فەرمی: ماڵپەڕی فەرمی حکومەتی هەرێمی کوردستان بڵاویکردووەتەوە: له‌ کۆبوونەوەکەدا کە یان برێم، کونسوڵی گشتیی فەرەنسا لە هەرێمی کوردستان ئامادەی بوو، پەرەپێدانی په‌يوه‌ندييه‌كانى فه‌ره‌نسا و هه‌رێمى كوردستان، دۆخى ئەمنیی عێراق، ڕووبه‌ڕووبوونەوەی مه‌ترسييه‌كانى تيرۆر و هه‌ڕه‌شه‌كانى داعش لە عێراق و سووریا تاووتوێ کران.

زانیاریی زیاتر: هه‌ردوولا هاوڕا بوون له‌سەر گرنگيى به‌رده‌وامبوونی پشتیوانیکردنی هێزەکانی پێشمەرگە و هاوئاهەنگی نێوان هاوپه‌يمانيى نێوده‌وڵه‌تی و هەرێمی کوردستان بۆ ڕووبەڕووبوونەوەی تيرۆر و پاراستنى ئاسایش و ئاراميى ناوچەکە.