ئاڤای خەڵک؛ خاشاکی زۆر لە گەڕەکی خانەقای هەولێر کۆبووەتەوە

ئاڤا نیوز

بۆ ماوەی دوو هەفتە دەبێت خۆڵ و خاشاکێکی زۆر لە گەڕەکی خانەقای هەولێر کۆبووەتەوە و شارەوانی بەلای نەچووە. هاووڵاتیان لەڕێگەی ئاڤاوە داوای چارەسەر دەکەن.

بینراو و بیستراو: خەڵکی گەڕەکەکەی هانایان بۆ ئاڤا هێناوە و کۆمەڵێک وێنە و ڤیدیۆیان ناردووە، وەک دەردەکەوێت شەقامەکان پڕن لە خۆڵ و خاشاک.

لێدوانی فەرمی: ژیار جەلال، بەڕێوەبەری خزمەتگوزاری و ژینگەپارێزی هەولێر بە ئاڤای ڕاگەیاند: ئێستا خەریکی پاککردنەوەی ناو پارکی شار و دەورووبەری بازاڕین، ئەمشەو یاخوود بەیانی تیمەکانمان دەنێرین تا پاکی بکەنەوە.

ژیار جەلال باسی ئەوەشی کرد، "ئەم خانووانەی گەڕەکی، عارەبان، تەعجیل و خانەقا کە خەڵک تێیدا دەژین و ئێوەیان ئاگادار کردووەتەوە، نابێت لەوێ بن، چونکە ئەو شوێنە خاوەندارێیەتییەکەی دەگەڕێتەوە بۆ وەزارەتی شارەوانی و خەڵکەکەی قەرەبوو کراونەتەوە، نابێت کەسی لێ بژیت، ئەوەی قەرەبووش نەکرابێتەوە، با بەدواداچوون بکات و قەرەبوو دەکرێتەوە".