لە غەززەوە دوو ڕۆکێت ئاراستەی ئیسرائیل کران

ئاڤا نیوز

دوای نزیکەی دوو ساڵ لە شەڕ و هێرشی ئیسرائیل بۆ سەر کەرتی غەززە، دوو ڕۆکێت لە کەرتەکەوە ئاراستەی ئیسرائیل کران.

ڕاگەیێنراوی فەرمی: سوپای ئیسرائیل ڕایگەیاند؛ بەهۆی ڕۆکێتەکانەوە زەنگی ئاگادارکردنەوە لێدراوە، توانراوە یەکێکیان بخرێتە خوارەوە و ئەوی دیکەشیان لە شوێنێکی چۆڵەوانی کەوتووەتە خوارەوە. 

زانیاریی زیاتر: گرووپی چەکداری 'جیهادی ئیسلامی' بەرپرسیارێتیی هێرشە ڕۆکێتییەکەی لە ئەستۆ گرتووە. جیهادی ئیسلامی لەگەڵ حەماس لە کەرتی غەززە لە دژی ئیسرائیل لە شەڕدان.

ئەمەش بزانە: ئیسرائیل لە ئۆکتۆبەری 2023ـەوە هەوڵی لەناوبردنی چەکدارانی حەماس لە کەرتی غەززە دەدات. بەگوێرەی ئامارە تەندروستییەکان زیاتر لە 64 هەزار فەلەستینیی لە کەرتەکە کوشتووە.