بەندکراوێکی کورد لە ئێران گیانی لەدەستدا

ئاڤا نیوز

 

بەندکراوێکی کورد لە بەندیخانەی قزلحیساری کەرەج لە ڕێگەی خواردنی ماددەی هۆشبەر، هەوڵی خۆکوشتنی دا و گیانی لە دەست دا. 

 

لێدوانی فەرمی: ئەرسەلان یار ئەحمەدی، سەرۆکی ڕێکخراوی مافی مرۆڤی هەنگاو بە ئاڤا ڕاگەیاند: یەعقوب سەبزی، 26 ساڵە و خەڵکی "کۆیەشت"ـی سەر بە پارێزگای لوڕستان لە هۆلی 17ـی بەشی 2ـی بەندیخانەی قزلحیساری کەرەج، هەولی خۆکوشتنی دا، سەرەڕای ناجێگیر بوونی دۆخی تەندروستی، چەند کاتژمێرێک لە بنکەی تەندروستیی بەندیخانەکە ڕاگیراوە، دوێنێ چوارشەممە لە کاتی گواستنەوەی بۆ نەخۆشخانە گیانی لە دەست دا.

ئەوەی پێویستە بیزانیت: بەپێی بەڵگەنامەکانی ڕیکخراوی مافی مرۆڤی هەنگاو، لە سەرەتای ساڵی 2025 تا ئێستا لانیکەم 35 بەندکراو لە بەندیخانەکانی ئێران بە هۆکاری جیاواز گیانیان لە دەست داوە، 15 بەندکراو واتە 43٪ـی ئەم بەندکراوانە هاووڵاتییانی کورد بوون.

باکگراوند: بەپێی زانیارییە تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، ساڵی ڕابردوو 22 بەندکراو لە بەندیخانەکانی ئێران گیانیان لەدەست داوە.