جومانە غەلای: پشووی قوتابخانەکان هەرێمی کوردستانیش دەگرێتەوە

ئاڤا نیوز

کۆمسیۆنی سەربەخۆی هەڵبژاردنەکانی عێراق بڕیاریداوە لە مانگی 11 بەهۆی بەڕێوەچوونی هەڵبژاردن لەسەرجەم ناوەندەکانی خوێندن بۆ ماوەی نۆ ڕۆژ پشوو بێت، ئاڤا بەدواداچوونی کردووە، ئەم پشووە هەرێمی کوردستانیش دەگرێتەوە.

وێنە گەورەکە: بڕیارە ڕۆژی 11-11-2025 هەڵبژاردنی پەرلەمانی عێراق لە سەرجەم پارێزگاکان بەڕێوەبچێت، ئامادەکارییەکان دەستیانپێکردووە و ناوەندەکانی خوێندن وەکو بنکەی دەنگدان دیاری دەکرێن.

لێدوانی فەرمی: جومانە غەلای، وتەبێژی کۆمسیۆنی باڵای سەربەخۆی هەڵبژاردنەکان بە ئاڤا میدیای ڕاگەیاند، بڕیاردراوە لە ڕۆژی 5 تاوەکو 13ـی تشرینی دووەم واتا مانگی 11، لەسەرجەم ناوەندەکانی خوێندن پشوو بێت، بە ناوەندەکانی هەرێمی کوردستانیشەوە. ئەمەش وەک بەکارهێنانی ئەو ناوەندانە بۆ بنکەی دەنگدان.

ژمارەکان وادەڵێن: بەگوێرەی وتەی جومانە غەلای، لەسەرتاسەری عێراق هەشت هەزار بنکە و 30 وێستگەی دەنگدان هەیە.